Arne Aas
Arne Aas | |||
![]() | |||
Fødd | 7. juli 1931 | ||
---|---|---|---|
Fødestad | Oslo | ||
Død | 3. april 2000 (68 år) | ||
Dødsstad | Oslo | ||
Verka som | skodespelar, filmregissør, manusforfattar | ||
Born | Nils Einar Aas |
Arne Martin Aas (7. juli 1931–3. april 2000) var ein norsk skodespelar og regissør som var kjend både frå teater, film og TV. Han var fødd i Oslo.
Teater
[endre | endre wikiteksten]Frå 1970 til 1973 var han teatersjef ved Trøndelag Teater, der han òg hadde sin debut i 1957 i August Strindberg sin Erik XIV. Han hadde òg regioppdrag ved teateret og var tilsett der frå 1963. På Trøndelag Teater spelte han i stykke som Se deg om i vrede, Helligtrekongersaften og tittelrollen i Brand. Han har òg vore tilknytt Fjernsynsteatret (1966-70 og 1973-75) der han mellom anna vart landskjend i rolla som Hans Nilsen Fennefoss i serien Skipper Worse. Aas var i mange år òg tilknytt Oslo Nye Teater og i tillegg til ei rekkje komediar, gjorde han seg der særleg merka i stykket Dagen vender.
Frå 1978 til 1983 var han instruktør for Olsokspelet på Stiklestad. For innsatsen sin her mottok han Stiklestad-prisen i 1980.
Dei siste årene før han døydde hadde han fleire gjesteopptrede ved Nordland Teater.
Film og TV
[endre | endre wikiteksten]Aas hadde sin filmdebut 1964 i Alle tiders kupp, og hadde ei rekkje roller i norske filmar både på 1960- og 1970-talet. Av dei mest nemndeverdige filmane er Smuglere (1968), Skulle det dukke opp flere lik er det bare å ringe (1970) og Rallarblod (1979), samt fleire filmar i serien om Olsenbanden.
I tillegg har Aas hatt fleire opptrede på fjernsyn, mellom anna i miniserien Skipper Worse i 1968, og ved fleire høve saman med Rolv Wesenlund i serien om Fleksnes. Frå Fleksnes-serien vert han kanskje best hugsa frå rolla som svirbroren «Rødhette» i episoden Rotbløyte frå 1981, og som hysterisk lege i episoden Det går alltid et tog frå 1974. Arne Aas hadde den siste rolla på TV i kortfilmen Operasjon Popcorn i 1998.
Filmografi
[endre | endre wikiteksten]- 1979 Olsenbanden og Dynamitt-Harry mot nye høyder (Brock-Larsen, finansmann)
- 1979 Kronprinsen (Redaktør)
- 1979 Rallarblod (Ingeniøren)
- 1978 Olsenbanden + Data Harry sprenger verdensbanken (Larsen, sjåførlærer)
- 1976 Oss (Finansminister)
- 1975 Min Marion (Leonid)
- 1974 Under en steinhimmel (Legen)
- 1974 Bobbys krig (Direktøren)
- 1973 Kanarifuglen (Arne, arbeidskamerat)
- 1971 3 (Sjefen)
- 1970 Exit (òg kjend under den danske tittelen Forbryderisk elskov)
- 1970 Skulle det dukke opp flere lik er det bare å ringe (Robert Westerlie)
- 1969 Himmel og helvete (Orheim, psykolog og talsmann for fri dop)
- 1968 Bare et liv - historien om Fridtjof Nansen (Philip Noel-Baker)
- 1968 Smuglere (Hugo)
- 1967 Musikanter (Ludvig, dikter)
- 1965 Vaktpostene (Arild, soldat)
- 1965 To på topp (Overstyrmann)
- 1964 Pappa tar gull (Wollert, profeten)
- 1964 Alle tiders kupp (Thorsen, Mettes venn)
TV-opptredener
[endre | endre wikiteksten]- 1998 Operasjon popcorn (kortfilm vist på TV)
- 1993 Morsarvet (Kommissarien) (TV-serie/mini-serie)
- 1992 Dødelig kjemi (Kristoffer) (TV-serie/mini-serie)
- 1988 Fleksnes - Her har jeg mitt liv (hysterisk lege ved Perleporten) (TV-serie)
- 1982 Fleksnes - Rotbløyte (Rødhette, svirebror fra marinen) (TV-serie)
- 1974 Fleksnes - Det går alltid et tog (hysterisk lege i togkupe) (TV-serie)
- 1970 Kjemp for alt hva du har kjært (Fjernsynsteater)
- 1968 Det lykkelige valg (Fjernsynsteater)
- 1968 Lille Eyolf (Engineer Borgheim) (Fjernsynsteater)
- 1968 Skipper Worse (Hans Nilsen Fennefos) (TV-serie/mini-serie og Fjernsynsteater)
Bakgrunnsstoff
[endre | endre wikiteksten]- Arne Aas er død Arkivert 2007-09-29 ved Wayback Machine. (Nettavisen, 2000)
Kjelder
[endre | endre wikiteksten]- Denne artikkelen bygger på «Arne Aas» frå Wikipedia på bokmål, den 21. oktober 2008.